紅葉斜落九州北部時
勞歌一曲解行舟，紅葉青山水急流。
日暮酒醒人已遠，滿天風雨下西樓。
唐 許渾
漫山紅葉、青山急流。是秋天。
深秋時節，日本九州北部，長崎縣、大分縣一帶，紅葉正盛。
雲仙地獄的漫漫火紅。
金鱗湖畔的鱗光朱艷。
鶴見岳上的遍山嫣赤。
九重夢橋的飛瀑丹楓。
每一個場景、每一處境地，皆堪詠嘆，皆可入詩。
明治時代儒學者毛利空桑，就曾被金鱗湖之美景所震憾，要為湖題名。
童話作家北原白秋，也說柳川就是生我的故鄉，是我吟誦詩賦的泉源。
莫道秋天美而短，紅葉斜落正此時。
抓緊最後一剎絢爛，約定十二月上旬前，在九州，等你。
吃了東坡肉，去吃鹹湯圓。鹹湯圓？不就是我們小時候過節，媽媽會做的那種嗎？一煲起，那冬菇和糯米的香氣，溢滿了一屋，溫暖和歡樂，也溢滿一屋。
戀戀鹹湯圓 銀座食堂
門口低調得緊要，一般遊客點會入嚟。
原來日本人，也吃鹹湯圓。
島原市那邊，有條中堀町，不是甚麼著名商店街，白天走進去，大都是歐巴桑、老頭兒，兩旁商店，賣的都是水桶、睡衣、地拖棍等生活用品。
寂靜。寂靜。寂靜。寂靜到一般遊人根本提不起勁進去。
鼓起探索精神吧！說不定裏面會有寶。
對！裏面真的有寶。就在商店街尾，有一所很老舊的食店。
古老的門面，彷彿回到昭和時代。一塊名牌，寫着：島原名物具雜煮。一幅放大了的劇照，一男一女兩個主角，很面熟。
一齣日劇，令這裏變成朝聖地。
「呢齣係好受歡迎嘅日劇嚟架，個個師奶太太都識！」負責翻譯的小姐說。
吉永小百合呀！
即刻Google一下，果然人氣，這日劇叫：《まぼろしの邪馬台国》(中譯虛幻的邘馬台國)，由日本師奶殺手綾小路きみまろ主演，女主角係風韻猶存嘅吉永小百合。2008年上演，口碑很好。原來取景之地，就係我眼前呢間舊食店，自此也水漲船高，大受歡迎，真係失敬失敬。
成幅牆都係明星照，日本人個個認得出名。
入嚟要坐榻榻米，舊到呢！
唔理齣劇，這店真的很有mood。
一張門幡，大大隻元祖具雜煮本舖書法字。走廊兩壁，貼滿古舊明星劇照海報。鑽進內室，是榻榻米坐位，客人人個個坐在矮矮的枱，看電視，等嘢食。
我哋嘅鹹湯圓，喺日本變咗具雜煮，一樣的過節味道，一樣的溫暖。
食乜嘢？咪具雜煮囉！
具雜煮，即係鹹湯圓，係島原縣特式鄉土料理囉，九百八十円一碗，用小陶鍋㷫住上。用匙羮一撈，湯圓雞肉魚肉玉子蓮藕冬菇雜菜獅子狗……雜崩冷煮埋一碗熱辣辣 陣味真係好似過年。食一啖，湯頭充滿冬菇香氣，那軟腍腍的湯圓，煙韌黏糯，香港人啱食。食完一鍋，個肚飽晒，成身暖笠笠。其實好唔好食唔重要，嚟呢啲地方，已經超越呢個層次。如果你係文青，最緊要係影相。
信我，呢間店，啱你喇！
軟腍腍，一碗五粒，食完飽到上心口。
銀座食堂
地址；長崎縣島原市中堀町39−1
電話：+81-0957-62-4070
網站：www.sakamotoya.co.jp/
撰文：譚偉健 攝影：陸羽勝 鳴謝：九州運輸局、九州觀光推進機構
